Guð er meiri en við fáum skilið. Biblían segir: Jb 36:26 Já, Guð er mikill og vér þekkjum hann ekki, tala ára hans órannsakanleg.
Við fyllumst lotningu yfir almætti Guðs. Biblían segir: Jb 37:23 Vér náum eigi til hins Almáttka, til hans, sem er mikill að mætti. En réttinn og hið fulla réttlæti vanrækir hann ekki.
Almáttugur kærleikur Guðs nær til alls í lífinu. Biblían segir: Rm 8:38-39 Því að ég er þess fullviss, að hvorki dauði né líf, englar né tignir, hvorki hið yfirstandandi né hið ókomna, hvorki kraftar, hæð né dýpt, né nokkuð annað skapað muni geta gjört oss viðskila við kærleika Guðs, sem birtist í Kristi Jesú Drottni vorum.