Synd

Hvað er synd? Synd er að brjóta gegn lögmáli Guðs. Biblían segir: 1Jh 3:4 „Hver sem synd drýgir fremur og lögmálsbrot. Syndin er lögmálsbrot“ 1Jh 5:17 „Allt ranglæti er synd...”

Hvað er lögmál Guðs? Hann skrifaði það með eigin fingri á steintöflur. Biblían segir: 2M 20:3-17 „(1) Þú skalt ekki hafa aðra guði en mig. (2) Þú skalt engar líkneskjur gjöra þér né nokkrar myndir eftir því, sem er á himnum uppi, eður því, sem er á jörðu niðri, eður því, sem er í vötnunum undir jörðinni. Þú skalt ekki tilbiðja þær og ekki dýrka þær, því að ég, Drottinn Guð þinn, er vandlátur Guð, sem vitja misgjörða feðranna á börnunum, já í þriðja og fjórða lið, þeirra sem mig hata, en auðsýni miskunn þúsundum, þeirra sem elska mig og varðveita boðorð mín. (3) Þú skalt ekki leggja nafn Drottins Guðs þíns við hégóma, því að Drottinn mun ekki láta þeim óhegnt, sem leggur nafn hans við hégóma. (4) Minnstu þess að halda hvíldardaginn heilagan. Sex daga skalt þú erfiða og vinna allt þitt verk, en sjöundi dagurinn er hvíldardagur helgaður Drottni Guði þínum. Þá skalt þú ekkert verk vinna og ekki sonur þinn eða dóttir þín, þræll þinn eða ambátt þín eða skepnur þínar, eða nokkur útlendingur, sem hjá þér er innan borgarhliða þinna, því að á sex dögum gjörði Drottinn himin og jörð, hafið og allt sem í þeim er, og hvíldist sjöunda daginn. Fyrir því blessaði Drottinn hvíldardaginn og helgaði hann. (5) Heiðra föður þinn og móður þína, svo að þú verðir langlífur í því landi, sem Drottinn Guð þinn gefur þér. (6) Þú skalt ekki morð fremja. (7) Þú skalt ekki drýgja hór. (8) Þú skalt ekki stela. (9) Þú skalt ekki bera ljúgvitni gegn náunga þínum. (10) Þú skalt ekki girnast hús náunga þíns. Þú skalt ekki girnast konu náunga þíns, ekki þræl hans eða ambátt, ekki uxa hans eða asna, né nokkuð það, sem náungi þinn á.“

Grundvallaratriðið í lögmáli Guðs felst í einu orði—kærleika. Biblían segir: Mt 22:37-40 „Hann svaraði honum: Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Þetta er hið æðsta og fremsta boðorð. Annað er þessu líkt: Þú skalt elska náunga þinn eins og sjálfan þig. Á þessum tveimur boðorðum hvílir allt lögmálið og spámennirnir.“

Syndin kemur innan frá. Biblían segir: Mk 7:20-23 „Og hann sagði: Það sem fer út frá manninum, það saurgar manninn. Því að innan frá, úr hjarta mannsins, koma hinar illu hugsanir, saurlifnaður, þjófnaður, manndráp, hórdómur, ágirnd, illmennska, sviksemi, taumleysi, öfund, lastmælgi, hroki, heimska. Allt þetta illa kemur innan að og saurgar manninn.“

Einn er ekki betri en annar—við erum öll syndarar. Einn er ekki öðrum betri – við erum öll syndarar. Biblían segir: Rm 3:9-10 „Hvað þá? Höfum vér þá nokkuð fram yfir? Nei, alls ekki. Vér höfum áður gefið bæði Gyðingum og Grikkjum að sök, að þeir væru allir undir synd. Eins og ritað er: Ekki er neinn réttlátur, ekki einn.“

Án Jesú er afleiðing syndar okkar dauði. Biblían segir: Rm 6:23 „Laun syndarinnar er dauði, en náðargjöf Guðs er eilíft líf í Kristi Jesú, Drottni vorum.“

Hvað gerist ef ég geri mér ekki fyllilega grein fyrir syndum mínum? Biblían segir: 139:23-24 „Prófa mig, Guð, og þekktu hjarta mitt, rannsaka mig og þekktu hugsanir mínar, og sjá þú, hvort ég geng á glötunarvegi, og leið mig hinn eilífa veg.“

Játið syndir fyrir Guði og biðjið um fyrirgefningu. Biblían segir: 1Jh 1:9 „Ef vér játum syndir vorar, þá er hann trúr og réttlátur, svo að hann fyrirgefur oss syndirnar og hreinsar oss af öllu ranglæti.“

Er einhver synd ófyrirgefanleg? Biblían segir: Lk 12:10 „Hverjum sem mælir gegn Mannssyninum, verður það fyrirgefið, en þeim sem lastmælir gegn heilögum anda, verður ekki fyrirgefið.“

Skírnin er tákn um að snúið sé frá syndinni. Biblían segir: Lk 3:3-3 „Og hann fór um alla Jórdanbyggð og prédikaði iðrunarskírn til fyrirgefningar synda,“

Hvað átt þú að gera ef þér finnst þú vera vonlaus syndari? Í fyrsta lagi játið syndina. Biblían segir: Sl 51:4-5 „Þvo mig hreinan af misgjörð minni, hreinsa mig af synd minni, því að ég þekki sjálfur afbrot mín, og synd mín stendur mér stöðugt fyrir hugskotssjónum.“

Í öðru lagi, biðjið um fyrirgefningu á syndinni. Biblían segir: Sl 51:9-14 „Hreinsa mig með ísóp, svo að ég verði hreinn, þvo mig, svo að ég verði hvítari en mjöll. Lát mig heyra fögnuð og gleði, lát kætast beinin sem þú hefir sundurmarið. Byrg auglit þitt fyrir syndum mínum og afmá allar misgjörðir mínar. Skapa í mér hreint hjarta, ó Guð, og veit mér nýjan, stöðugan anda. Varpa mér ekki burt frá augliti þínu og tak ekki þinn heilaga anda frá mér. Veit mér aftur fögnuð þíns hjálpræðis og styð mig með fúsleiks anda.“

Í þriðja lagi, trúið að Guð hafi örugglega fyrirgefið og hættið að finna til sektar. Biblían segir: Sl 32:1-7 „Sæll er sá er afbrotin eru fyrirgefin, synd hans hulin. Sæll er sá maður er Drottinn tilreiknar eigi misgjörð, sá er eigi geymir svik í anda. Meðan ég þagði, tærðust bein mín, allan daginn kveinaði ég, því að dag og nótt lá hönd þín þungt á mér, lífsvökvi minn þvarr sem í sumarbreiskju.Þá játaði ég synd mína fyrir þér og fól eigi misgjörð mína. Ég mælti: Ég vil játa afbrot mín fyrir Drottni, og þú fyrirgafst syndasekt mína.Þess vegna biðji þig sérhver trúaður, meðan þig er að finna. Þótt vatnsflóðið komi, nær það honum eigi. Þú ert skjól mitt, þú leysir mig úr nauðum, með frelsisfögnuði umkringir þú mig.“