Nærvera

Hvernig getum við upplifað nærveru Guðs? Biblían segir: Sl 27:4 „Eins hefi ég beðið Drottin, það eitt þrái ég: Að ég fái að dveljast í húsi Drottins alla ævidaga mína til þess að fá að skoða yndisleik Drottins, sökkva mér niður í hugleiðingar í musteri hans.“

Nærvera Guðs finnst oft á tímum erfiðleika. Biblían segir: Sl 34:18-19 „Ef réttlátir hrópa, þá heyrir Drottinn, úr öllum nauðum þeirra frelsar hann þá. Drottinn er nálægur þeim er hafa sundurmarið hjarta, þeim er hafa sundurkraminn anda, hjálpar hann.“

Við finnum nærveru Guðs á tímum ofsókna. Biblían segir: Sl 140:13-14 „Ég veit, að Drottinn flytur mál hrjáðra, rekur réttar snauðra. Vissulega skulu hinir réttlátu lofa nafn þitt, hinir hreinskilnu búa fyrir augliti þínu.“